சுவிட்சர்லாந்தில் மருத்துவக் காப்பீட்டை மாற்றும் மக்கள் அலை: டெலாய்ட் (Deloitte) முக்கியத் தகவல்!

கடந்த சில ஆண்டுகளுக்கு முன்பு ஆற்றல் சந்தையில் ஏற்பட்ட வரலாறு காணாத விலை உயர்வு மற்றும் மின் விநியோகத் தடையை எதிர்கொள்ளும் வகையில், மிக முக்கியமான மின் நிறுவனங்களுக்கு உதவுவதற்காக இந்த அவசர நிதிப் பாதுகாப்புத் திட்டம் கொண்டுவரப்பட்டது.

இந்தச் சட்டத்தின் காலம் இந்த ஆண்டுடன் (2026 டிசம்பர் 31) முடிவடைய உள்ள நிலையில், இதனை மேலும் ஐந்து ஆண்டுகளுக்கு நீட்டிக்க வேண்டும் என சுவிஸ் அரசு சமர்ப்பித்த பரிந்துரையை பாராளுமன்றம் பரிசீலிக்க மறுத்துவிட்டது.

இதன் காரணமாக, இந்தத் திட்டம் திட்டமிட்டபடியே இந்த ஆண்டின் இறுதியில் முடிவுக்கு வருகிறது.  இருப்பினும், இந்தத் திட்டத்தின் கீழ் இதுவரை எந்தவொரு மத்திய அரசு கடனும் நிறுவனங்களால் பெறப்படவில்லை என்பது குறிப்பிடத்தக்கது.

சுவிட்சர்லாந்தில் ஒவ்வொரு ஆண்டும் அதிகரித்து வரும் மருத்துவக் காப்பீட்டுப் பிரீமியம் (Insurance Premium) காரணமாக, இந்த ஆண்டு சுமார் 6 லட்சம் முதல் 9 லட்சம் பேர் வரை தங்களது காப்பீட்டு நிறுவனங்களை மாற்றக்கூடும் எனப் புகழ்பெற்ற 'டெலாய்ட்' (Deloitte) நிறுவனம் கணித்துள்ளது.

பிரீமியம் கட்டணங்கள் தாறுமாறாக உயர்ந்து வருவதால், மக்கள் மத்தியில் விலைவாசி குறித்த விழிப்புணர்வும், மாற்று வழிகளைத் தேடும் ஆர்வமும் அதிகரித்துள்ளதாக இந்த ஆய்வு தெரிவிக்கிறது.

சுவிஸ் மக்கள் பொதுவாகத் தங்களது காப்பீட்டை மாற்றுவதில் தயக்கம் காட்டுபவர்கள் என்றபோதிலும், இந்த முறை நிலைமை மாறியுள்ளது.  சர்வே அறிக்கையின்படி, காப்பீட்டுக் கட்டணம் மாதத்திற்கு 20 ஃபிராங்க்கள் (Franks) உயர்ந்தால் கூட, பாதிக்கும் மேற்பட்ட மக்கள் உடனடியாக வேறு காப்பீட்டு நிறுவனத்திற்கு மாறத் தயாராக இருப்பதாகத் தெரிவிக்கின்றனர்.

குறிப்பாக, 18 முதல் 29 வயதுக்குட்பட்ட இளைஞர்களும், பிரெஞ்சு மற்றும் இத்தாலிய மொழி பேசும் பகுதி மக்களும் காப்பீட்டு நிறுவனங்களை மாற்றுவதில் அதிக ஆர்வம் காட்டுவதாகக் கூறப்படுகிறது.

இதன் மூலம், காப்பீட்டு நிறுவனங்களுக்கிடையேயான போட்டி அதிகரிப்பதோடு, வாடிக்கையாளர்களைத் தக்கவைக்க நிறுவனங்கள் புதிய சலுகைகளை அறிவிக்க வேண்டிய கட்டாயம் ஏற்பட்டுள்ளது.

சுவிட்சர்லாந்தின் முன்னணி செல்வ மேலாண்மை வங்கியான 'ஜூலியஸ் பேர்' (Julius Bär), பங்குதாரர்களுக்கு லாபம் ஈட்டித் தரும் வகையிலும், தனது மூலதனப் பலத்தை வெளிப்படுத்தும் வகையிலும், சுமார் 600 மில்லியன் சுவிஸ் ஃபிராங்க் மதிப்பிலான பங்கு மீள்வாங்கும் (Share Buyback) புதிய திட்டத்தை அதிகாரப்பூர்வமாக அறிவித்துள்ளது.  

சுவிஸ் நிதிச் சந்தைக் கண்காணிப்பு அமைப்பின் (FINMA) நீண்ட கால விசாரணைகள் மற்றும் ஒழுங்குமுறைச் சோதனைகள் நிறைவடைந்ததைத் தொடர்ந்து இந்த அதிரடி அறிவிப்பு வெளியாகியுள்ளது. இந்தத் திட்டமானது வரும் வாரங்களில் தொடங்கப்பட்டு, ஒரு வருடத்திற்குள் முடிக்கப்படும் என எதிர்பார்க்கப்படுகிறது.

 இதன் மூலம், வங்கியின் பங்குகள் SIX சுவிஸ் பங்குச் சந்தையின் (SIX Swiss Exchange) இரண்டாவது வர்த்தக வரிசை வழியாக மீட்கப்படும் என்று தெரிவிக்கப்பட்டுள்ளது. இந்த அறிவிப்பைத் தொடர்ந்து பங்குச் சந்தையில் ஜூலியஸ் பேர் வங்கியின் பங்குகள் மூன்று சதவீதத்திற்கும் அதிகமாக உயர்ந்து வர்த்தகமாகி வருவது குறிப்பிடத்தக்கது.