நுவரெலியா ஹக்கல பூங்காவை நவீனமயமாக்க நடவடிக்கை: தாவரப் பாதுகாப்புடன் புதிய வசதிகள் அறிமுகம்!

இலங்கையின் இயற்கை எழில் கொஞ்சும் சுற்றுலாத் தலங்களில் ஒன்றான நுவரெலியா ஹக்கல தாவரவியல் பூங்காவை நவீனமயமாக்கி, சுற்றுலாப் பயணிகளை மேலும் ஈர்க்கும் வகையில் பல்வேறு புதிய அபிவிருத்தித் திட்டங்கள் முன்னெடுக்கப்படவுள்ளன.

தேசிய தாவரவியல் பூங்காக்கள் திணைக்களத்தின் வழிகாட்டலின் கீழ், உள்நாட்டு மற்றும் வெளிநாட்டு சுற்றுலாப் பயணிகளுக்கு உலகத்தரம் வாய்ந்த அனுபவத்தை வழங்கும் நோக்கில் இத்திட்டங்கள் நடைமுறைப்படுத்தப்பட்டு வருகின்றன.

1.மலையக மண்டலத்திற்கே உரித்தான அரிய தாவர மற்றும் புதர் வகைகளைப் பாதுகாக்கும் புதிய பிரிவுகள் அமைத்தல்.

2.பூங்காவிற்குள் பார்வையாளர்கள் எளிதாகச் சென்று வர சிறப்புப் பாதைகள், ஓய்வுக்கூடங்கள் மற்றும் நவீன உணவக வசதிகள் மேம்படுத்தல்.

3.ரோஜா மற்றும் ஓகிட் தோட்டங்கள் புதுப்பிப்பு: பூங்காவின் பிரதான ஈர்ப்புகளான ரோஜாத் தோட்டம் மற்றும் ஓகிட் பிரிவை மேலும் விரிவுபடுத்துதல்.

4.பாடசாலை மாணவர்கள் மற்றும் தாவரவியல் ஆராய்ச்சியாளர்களுக்கான ஆய்வு மற்றும் கல்வி வசதிகளை ஏற்படுத்துதல்.

மலைப்பாங்கான காலநிலை மற்றும் இயற்கை அழகைக் கொண்ட ஹக்கல பூங்காவிற்கு ஆண்டுதோறும் லட்சக்கணக்கான சுற்றுலாப் பயணிகள் வருகை தருகின்றனர். தற்போது மேற்கொள்ளப்படும் புதிய அபிவிருத்திப் பணிகள் மூலம் பூங்காவின் உள்கட்டமைப்பு வலுப்பெறுவதோடு, நாட்டின் சுற்றுலாத்துறை வருவாயும் அதிகரிக்கும் என எதிர்பார்க்கப்படுகிறது.

இயற்கைச் சூழலுக்கும் தாவரங்களின் தனித்துவத்திற்கும் எவ்வித பாதிப்பும் ஏற்படாத வகையில் சூழல்நேய முறையில் அனைத்துக் கட்டமைப்புப் பணிகளும் முன்னெடுக்கப்பட்டு வருவதாக பூங்கா நிர்வாக அதிகாரிகள் தெரிவித்துள்ளனர்.