ஜப்பானில் வியப்பளிக்கும் கூட்டு முயற்சி: 360 டன் எடையுள்ள ஹிரோசாகி கோட்டையை வடக்கயிறுகளால் நகர்த்திய மக்கள்!

ஜப்பானில் சுமார் 400 ஆண்டுகள் பழமையான 360 டன் எடையுள்ள வரலாற்றுச் சிறப்புமிக்க ஹிரோசாகி கோட்டையை, பொதுமக்கள் மற்றும் தொழில்நுட்பக் குழுவினர் வெறும் கயிறுகளால் இழுத்து 2 மீட்டர் தூரத்திற்கு வெற்றிகரமாக நகர்த்தியுள்ளனர்.

கோட்டையின் அடித்தளத்தில் உள்ள பாரம்பரியக் கல் சுவரைப் பலப்படுத்தும் பராமரிப்புப் பணிகளுக்காக இந்த பிரம்மாண்ட முயற்சி மேற்கொள்ளப்பட்டது. கோட்டைக்கு எந்தவிதச் சேதமும் ஏற்படாமல் இருக்க, அதிநவீன ஹைட்ராலிக் இயந்திரங்கள் மற்றும் மர உருளைகளின் மீது கோட்டை உயர்த்தப்பட்டுப் பொருத்தப்பட்டது.

இதனைத் தொடர்ந்து, நூற்றுக்கணக்கான பொதுமக்கள் ஒன்றிணைந்து வடக்கயிறுகளைப் பிடித்து இழுத்து கோட்டையை நகர்த்தினர். நாட்டின் வரலாற்றுப் பாரம்பரியச் சின்னத்தைப் பாதுகாக்கும் நோக்கில் பொதுமக்கள் அனைவரும் தானாக முன்வந்து இந்த நகர்த்தும் பணியில் பங்கேற்றனர்.

பழமையான கட்டடக் கலையையும் நவீனத் தொழில்நுட்பத்தையும் இணைத்து, சேதமின்றிப் பிரம்மாண்டமான கோட்டையை நகர்த்தியது உலக அளவில் வியப்பை ஏற்படுத்தியுள்ளது.