ராணுவம் குறித்த போலி வீடியோ விவகாரம் - காங்கிரஸுக்கு மத்திய அமைச்சர் கடும் கண்டனம்!

அருணாச்சலப் பிரதேச எல்லை மற்றும் இந்திய ராணுவ நடமாட்டங்கள் தொடர்பாக சமூக வலைத்தளங்களில் பரப்பப்பட்ட போலி ஏ.ஐ (AI) மற்றும் திரித்து அமைக்கப்பட்ட வீடியோக்கள் தொடர்பாக இந்திய ராணுவம் மறுப்புத் தெரிவித்து உண்மை நிலையை வெளியிட்டிருந்தது.

இது குறித்துத் கருத்து தெரிவித்துள்ள மத்திய அமைச்சர் கிரண் ரிஜிஜு, இந்திய ராணுவத்தின் மரியாதையைக் குறைக்கும் வகையில் பொய் பிரச்சாரம் செய்யும் காங்கிரஸ் கட்சி, நாட்டு மக்களிடம் நிபந்தனையற்ற மன்னிப்பு கேட்க வேண்டும் எனக் வலியுறுத்தியுள்ளார்.

மேலும், எதிரி நாடுகளின் செயல்களுக்கு நிகராக இதுபோன்ற போலி வீடியோக்களைப் பரப்புவது தேச விரோதச் செயல் என்றும், நாட்டின் பாதுகாப்புக் படைகளின் நம்பிக்கையைச் சீர்குலைக்க காங்கிரஸ் முயற்சிப்பதாகவும் அவர் கடுமையாகச் சாடியுள்ளார்.