காசா மீது மீண்டும் இஸ்ரேல் தாக்குதல் - 7 வயது சிறுமி பரிதாப பலி!

காசா முனையின் தெற்குப் பகுதியான கான் யூனிஸ் (Khan Younis) நகரில் இடம்பெயர்ந்த மக்கள் தஞ்சம் புகுந்திருந்த முகாம் மீது இஸ்ரேல் ராணுவம் திடீர் வான்வழித் தாக்குதலைத் தொடுத்துள்ளது.

இந்தத் தாக்குதலில் 7 வயது சிறுமி உட்பட அப்பாவி மக்கள் 5 பேர் கொல்லப்பட்டதாகவும், பலர் படுகாயமடைந்துள்ளதாகவும் காசா மருத்துவ மற்றும் அவசர கால மீட்புக் குழுவினர் உறுதிப்படுத்தியுள்ளனர்.

தொடர் தாக்குதல்களால் அப்பகுதியில் மிகுந்த பதற்றமான சூழ நிலவி வருவதுடன், காயமடைந்தவர்கள் உடனடியாக அருகிலுள்ள மருத்துவமனைகளுக்கு மீட்டுச் செல்லப்பட்டு தீவிர சிகிச்சை அளிக்கப்பட்டு வருவதாகத் தகவல்கள் வெளியாகியுள்ளன.