ஜெர்மாட்டில் பனிப்பிளவில் விழுந்து அமெரிக்கர் உயிரிழப்பு

திங்கட்கிழமை நண்பகலுக்குப் பிறகு, க்ளீன் மேட்டர்ஹார்ன் பனியாற்று அருகே இந்த விபத்து இடம்பெற்றுள்ளது.

தடை செய்யப்பட்ட பகுதிக்குள் அந்த நபர் சென்றிருந்த நிலையில், அவர் பனிப்பிளவில் விழுந்ததாக தெரிவிக்கப்பட்டுள்ளது. விபத்து குறித்து தகவல் கிடைத்ததும் மீட்புக் குழுவினர் தேடுதல் நடவடிக்கையில் ஈடுபட்டனர்.

சிறிது நேரத்துக்குப் பிறகு, பனிப்பிளவில் இருந்து அந்த நபரின் உடல் மீட்கப்பட்டது.

அவர் ஏன் தடை செய்யப்பட்ட பகுதிக்குள் சென்றார் என்பது உள்ளிட்ட விபத்தின் முழுமையான காரணங்களை கண்டறிய வாலெய்ஸ் அரசு வழக்கறிஞர் அலுவலகம் விசாரணையைத் தொடங்கியுள்ளது.