பழமை வாய்ந்த லிமோகேஸ் நகர மன்றம் தீக்கிரை: பிரான்ஸில் தீவிரமடையும் மோதல்கள்!

பிரான்ஸின் முக்கிய நகரங்களில் ஏற்பட்ட மோதல்கள் மற்றும் ஆர்ப்பாட்டங்களைத் தொடர்ந்து, வன்முறையாளர்கள் பொதுச் சொத்துக்கள் மீது தாக்குதல்களை நடத்தி வருகின்றனர். இதன்போது, லிமோகேஸ் நகரின் மையப்பகுதியில் அமைந்துள்ள புகழ்பெற்ற நகர மன்றக் கட்டிடத்திற்கு (Town Hall) மர்ம நபர்கள் சிலர் தீ வைத்துள்ளனர்.

சம்பவ இடத்திற்கு உடனடியாக விரைந்த தீயணைப்புப் படையினர் நீண்ட நேரம் போராடித் தீயைக் கட்டுக்குள் கொண்டுவந்தனர். இருப்பினும், பல நூற்றாண்டுகள் பழமை வாய்ந்த கட்டிடத்தின் பல பகுதிகள் மற்றும் அங்கு வைக்கப்பட்டிருந்த வரலாற்று ஆவணங்கள், கலைப் பொருட்கள் தீயில் எரிந்து சாம்பலாகியுள்ளன.

இச்சம்பவத்தைக் கடுமையாகக் கண்டித்துள்ள பிரான்ஸ் அரசு, வன்முறையில் ஈடுபட்டவர்களைக் கண்டறிந்து கடுமையான நடவடிக்கை எடுக்கப்படும் என எச்சரித்துள்ளது. மேலும், நிலைமையைக் கட்டுக்குள் கொண்டுவர லிமோகேஸ் உட்படப் பல நகரங்களில் மேலதிக காவல்துறையினர் மற்றும் பாதுகாப்புப் படையினர் குவிக்கப்பட்டுப் தீவிரக் கண்காணிப்புப் பணிகள் மேற்கொள்ளப்பட்டு வருகின்றன.