அனோஜன் விடுதலை: ஜனாதிபதியுடன் அவசர சந்திப்பைக் கோர தமிழரசுக் கட்சி தீர்மானம்!

அனோஜனின் விடுதலைக்காகவும் அவரது மரண தண்டனையைத் தடுத்து நிறுத்துவதற்காகவும் தீவிர இராஜதந்திர முயற்சிகள் முன்னெடுக்கப்பட்டு வருகின்றன. இதன் ஒரு கட்டமாக, தமிழரசுக் கட்சியின் நாடாளுமன்ற உறுப்பினர்கள் நேற்றைய தினம் கொழும்பிலுள்ள இந்திய உயர்ஸ்தானிகர் சந்தோஷ் ஜா மற்றும் அமெரிக்கத் தூதரகத்தின் அரசியல் பிரிவு அதிகாரிகளையும் நேரில் சந்தித்து நிலைமைகளை விளக்கி அவசர தலையீட்டைக் கோரியிருந்தனர்.  

இதனைத் தொடர்ந்து, கட்சியின் நாடாளுமன்றக் குழுக் கூட்டத்தில் எடுக்கப்பட்ட முடிவுக்கு அமைவாக, ஜனாதிபதியை நேரில் சந்தித்து அனோஜன் விவகாரத்தில் அரசாங்கம் நேரடி இராஜதந்திர அழுத்தங்களைப் பிரயோகிக்க வேண்டும் என வலியுறுத்துவதற்கு தமிழரசுக் கட்சி தீர்மானித்துள்ளது.  

இளைஞன் அனோஜனைப் பாதுகாப்பாக இலங்கைக்கு மீட்டெடுப்பதற்கான அனைத்து இராஜதந்திர வழிமுறைகளையும் ஒருங்கிணைந்து முன்னெடுப்பது காலத்தின் அவசரத் தேவையாகவுள்ளது என தமிழரசுக் கட்சியின் பிரதிநிதிகள் சுட்டிக்காட்டியுள்ளனர்.