கைது செய்யப்பட்ட நாமல் ராஜபக்ஷ கொழும்பு சிறைக்கு மாற்றம்!

ஸ்ரீலங்கா பொதுஜன பெரமுனவின் (SLPP) தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ஷ, செப்டம்பர் 18 ஆம் தேதி வரை விளக்கமறியலில் வைக்கப்பட்டு கொழும்பு விளக்கமறியல் சிறைக்கு மாற்றப்பட்டுள்ளார்.

ஸ்ரீலங்கன் ஏர்லைன்ஸ் நிறுவனத்திற்கு ஏர்பஸ் ரக விமானங்களைக் கொள்முதல் செய்த விவகாரத்தில், சிங்கப்பூர் வங்கியூடாக சுமார் 100 மில்லியன் ரூபாய் (800,000 அமெரிக்க டாலர்) லஞ்சப் பணத்தைப் பெற்றதாக எழுந்த குற்றச்சாட்டின் பேரிலேயே இந்த நடவடிக்கை எடுக்கப்பட்டுள்ளது. இலஞ்ச ஊழல் ஒழிப்பு ஆணைக்குழுவால் (CIABOC) பல மணி நேர தீவிர விசாரணையின் பின்னர் அவர் கைது செய்யப்பட்டார்.

கைது செய்யப்பட்ட நாமல் ராஜபக்ஷ கொழும்பு தலைமை நீதிவான் நீதிமன்றத்தில் ஆஜர்படுத்தப்பட்டதை அடுத்து, அவரை எதிர்வரும் செப்டம்பர் 18 ஆம் தேதி வரை விளக்கமறியலில் வைக்குமாறு நீதிவான் உத்தரவிட்டார். இதனைத் தொடர்ந்து அவர் பலத்த பாதுகாப்புடன் கொழும்பு விளக்கமறியல் சிறைக்குக் கொண்டு செல்லப்பட்டார்.

இவ்வழக்கு தொடர்பான மேல் விசாரணை அதிகாரிகளால் தொடர்ந்து முன்னெடுக்கப்பட்டு வருகிறது.