கேப்பிட்டாலேண்ட் அதிநவீன தரவு மையத்தை திறந்து வைத்தார் முதல்வர் விஜய்!

சர்வதேச தரத்திலான முதலீடுகளை ஈர்ப்பதிலும், டிஜிட்டல் மற்றும் தகவல் தொழில்நுட்பத் துறையில் சென்னையை ஒரு முன்னணி மையமாக மாற்றுவதிலும் தமிழக அரசு மேற்கொண்டுவரும் தொடர் முயற்சிகளின் மற்றுமொரு வெற்றிகரமான படியாக இந்தத் தரவு மையம் பார்க்கப்படுகிறது.

நவீன தொழில்நுட்பங்கள், அதிவேக இணைய இணைப்பு மற்றும் தரவுப் பாதுகாப்பு ஆகியவற்றுக்கு முக்கியத்துவம் அளித்து இந்தத் தரவு மையம் உருவாக்கப்பட்டுள்ளது. இதன் மூலம் பன்னாட்டு நிறுவனங்கள் மற்றும் உள்நாட்டுத் தொழில்நுட்ப நிறுவனங்களின் தரவுகளைப் பாதுகாப்பாகப் பராமரிக்கவும், சேமிக்கவும் தேவையான உள்கட்டமைப்பு வசதிகள் மேலும் வலுப்பெற்றுள்ளன.

தரவு மையத்தின் திறப்பு விழாவில் கலந்துகொண்டு உரையாற்றிய துறைசார் வல்லுநர்கள் மற்றும் அரசு அதிகாரிகள், இத்தகைய முதலீடுகள் மூலம் தமிழ்நாட்டைச் சேர்ந்த தகவல் தொழில்நுட்பத் துறை இளைஞர்களுக்குப் பல புதிய வேலைவாய்ப்புகள் உருவாகும் என்றும், மாநிலத்தின் பொருளாதாரம் மேலும் வளர்ச்சி அடையும் என்றும் நம்பிக்கை தெரிவித்தனர்.

இந்நிகழ்வில் அமைச்சர்கள், உயமட்ட அரசு அதிகாரிகள் மற்றும் கேப்பிட்டாலேண்ட் நிறுவனத்தின் உயர் மட்டத் தலைவர்கள் உள்ளிட்ட பலரும் சிறப்பு விருந்தினர்களாகக் கலந்துகொண்டனர்.