அமெரிக்காவில் தேர்தல் முறைகேடு வழக்கு: குற்றம் சாட்டப்பட்ட 16 பேரில் 3 பேர் பாகிஸ்தானியர்கள்!

சட்டவிரோதமான முறையில் வாக்களித்தல், போலியான முறையில் வாக்காளர் பதிவு செய்தல் மற்றும் குடியுரிமை தொடர்பான பொய்யான தகவல்களை வழங்குதல் போன்ற குற்றச்சாட்டுகளின் அடிப்படையில் இந்த நடவடிக்கை எடுக்கப்பட்டுள்ளது.

அமெரிக்க நீதித் துறையின் தகவலின்படி, குற்றம் சாட்டப்பட்டுள்ள மூன்று பாகிஸ்தானியர்களும் சட்டபூர்வமான நிரந்தர வதிவிட உரிமையைக் கொண்டவர்கள் ஆவர். 

பென்சில்வேனியா மாகாணத்தைச் சேர்ந்த ஜமில் அகமது (50) மற்றும் நிகத் ஜமில் (47) ஆகியோர் 2024 ஆம் ஆண்டுத் தேர்தலில் சட்டவிரோதமாக வாக்களித்ததாகக் குற்றப்பதிவு செய்யப்பட்டுள்ளது. 

ஓஹியோ மாகாணத்தைச் சேர்ந்த அர்ஷத் சுபேரி (69), பெடரல் தேர்தல்களில் சட்டவிரோதமாக வாக்களித்ததாகக் குற்றஞ்சாட்டப்பட்டுள்ளார். உள்ளூர் தேர்தல் வாரிய ஆவணங்களின்படி இவர் குறைந்தது ஆறு தேர்தல்களில் வாக்களித்துள்ளதாக அதிகாரிகள் தெரிவிக்கின்றனர்.  

பாகிஸ்தானைத் தவிர கியூபா, கனடா, பிரிட்டன், போலந்து மற்றும் பிலிப்பைன்ஸ் உள்ளிட்ட பல்வேறு நாடுகளைச் சேர்ந்தவர்களும் இந்த விவகாரத்தில் விசாரிக்கப்பட்டு வருவதுடன், அமெரிக்கப் பெடரல் அமைப்புகள் இது குறித்த தீவிர விசாரணைகளை மேற்கொண்டு வருகின்றன.