கொழும்பு மேல் நீதிமன்றம் அதிரடி உத்தரவு: யோஷித, கரன்னாகொட மீதான வழக்கு விசாரணை அக்டோபர் 13 ஆம் திகதிக்கு ஒத்திவைப்பு!

தகைமைகள் பூர்த்தியாகாத நிலையில், யோஷித ராஜபக்‌ஷவை இலங்கை கடற்படையின் அதிகாரியாகக் இணைத்துக்கொண்டமை மற்றும் அரசாங்கத்தின் பெருந்தொகை நிதியைச் செலவிட்டு அவரை பிரித்தானியாவின் ராயல் கடற்படைக் கல்லூரியில் பயிற்சிக்காக அனுப்பியமை ஆகியவற்றின் மூலம் ஊழல் புரிந்து அரசுக்கு நிதி இழப்பு ஏற்படுத்தியதாக இலஞ்ச ஊழல் விசாரணை ஆணைக்குழுவினால் இந்நடவடிக்கை எடுக்கப்பட்டுள்ளது.  

பிணையில் விடுவிக்கப்பட்டுள்ள யோஷித ராஜபக்‌ஷ மற்றும் வசந்த கரன்னாகொட ஆகியோர் இன்று நீதிமன்றத்தில் ஆஜராகிய நிலையில், வழக்கை எதிர்வரும் அக்டோபர் 13 ஆம் திகதி முன் விசாரணை மாநாட்டிற்காக அழைப்பதாக மேல் நீதிமன்ற நீதிபதி உத்தரவிட்டார். பிரதிவாதிகள் தரப்பிற்குத் தேவையான ஆவணங்களை வழங்குமாறும் இதன்போது நீதிமன்றம் உத்தரவிட்டுள்ளது.