யூடியூப் பார்த்து கள்ளநோட்டு தயாரிப்பு – 3 கல்லூரி மாணவர்கள் உட்பட 4 பேர் கைது!

கொண்ட்லி புஸ்தா பகுதியில் நடத்தப்பட்ட வாகனச் சோதனையின்போது, அவர்களிடமிருந்து 200 ரூபாய் மதிப்பிலான 920 போலி நோட்டுகள், மொத்தம் ஒரு லட்சத்து 84 ஆயிரம் ரூபாய் மதிப்பில் பறிமுதல் செய்யப்பட்டன. மேலும், ஆயிரம் ரூபாய் அசல் பணமும் எண் பலகை இல்லாத காரும் கைப்பற்றப்பட்டன.

முதற்கட்ட விசாரணையில், சிறையில் இருந்தபோது கள்ளநோட்டு தயாரிக்கும் திட்டத்தைத் தீட்டியதாகக் கூறப்படும் அர்ஜுன் சிங், ஜாமீனில் வெளியே வந்த பிறகு தனது நண்பர்களுடன் இணைந்து இந்தச் செயலில் ஈடுபட்டது தெரியவந்துள்ளது. இரண்டு லட்சம் ரூபாய் அசல் பணத்துக்குப் பதிலாக ஐந்து லட்சம் ரூபாய் மதிப்பிலான போலி நோட்டுகளை வழங்குவதாகக் கூறி மோசடி செய்ய முயன்றதாகவும் போலீசார் தெரிவித்துள்ளனர்.

கைது செய்யப்பட்ட நால்வர் மீதும் வழக்குப் பதிவு செய்யப்பட்டு, நீதிமன்றத்தில் ஆஜர்படுத்தப்பட்டுள்ளனர்.