பெர்ன் நகரில் கிரேன் விபத்து – கட்டுமானத் தொழிலாளி உயிரிழப்பு!

ஃபெல்லர்ஸ்ட்ராஸ் வீதியில் உள்ள கட்டுமானத் தளத்தில், வியாழக்கிழமை காலை சுமார் 11.40 மணியளவில் இந்த விபத்து நிகழ்ந்ததாக பெர்ன் மாகாணக் காவல்துறை தெரிவித்துள்ளது.

கிரேனுடன் பணிபுரிந்துகொண்டிருந்த தொழிலாளி படுகாயமடைந்த நிலையில் உயிரிழந்துள்ளார். அவரது அடையாளம் குறித்த சில தகவல்கள் கிடைத்துள்ள போதிலும், முறையான அடையாள உறுதிப்படுத்தல் இன்னும் நிறைவடையவில்லை.

விபத்திற்கான காரணம் இதுவரை தெரியவராத நிலையில், காவல்துறையினர் விசாரணையைத் தொடங்கியுள்ளனர்.