இந்தியாவின் தெலுங்கானாவில் கொடூரம்: காதலியை வீடு புகுந்து கொலை செய்து வீசிய வாலிபர் கைது!

 தெலுங்கானா மாநிலம் கோத்தகுடம் பகுதியைச் சேர்ந்த ஹரிணி என்ற மாணவி, கடந்த மாதம் 21-ஆம் தேதி அவரது வீட்டில் கழிவறை அருகே சடலமாகக் கண்டெடுக்கப்பட்டார். இதுகுறித்து வழக்குப்பதிவு செய்த காவல்துறையினர், தலைமறைவாக இருந்த அவரது காதலன் பவன் என்பவரைக் கைது செய்து தீவிர விசாரணை நடத்தினர்.

காவல்துறையினரின் விசாரணையில், இருவரும் கடந்த 4 ஆண்டுகளாகக் காதலித்து வந்த நிலையில், பவனின் தவறான பழக்கவழக்கங்கள் காரணமாக ஹரிணி அவரைத் தவிர்க்கத் தொடங்கியுள்ளார். இதனால் ஏற்பட்ட சந்தேகத்தின் பேரில், ஆத்திரமடைந்த பவன், மாணவியின் வீட்டிற்குச் சென்று டூவீலர் கிளட்ச் வயரால் (Clutch wire) அவரது கழுத்தை இறுக்கிக் கொலை செய்துவிட்டுத் தப்பியோடியது தெரியவந்துள்ளது.