ஹிஜாப் குறித்து அவதூறு பரப்புரை: வைத்தியர் அர்ச்சுனா உள்ளிட்ட 6 பேருக்கு எதிராக வழக்குப்பதிவு!

சமூக நல்லிணக்கத்தைச் சீர்குலைக்கும் வகையிலும், குறிப்பிட்ட ஒரு மதத்தினரின் உணர்வுகளைப் புண்படுத்தும் வகையிலும் இணைய வழியில் திட்டமிட்டுப் பொய்ப் பிரசாரங்களை மேற்கொண்டதாக இவர்கள் மீது குற்றஞ்சாட்டப்பட்டுள்ளது. இது தொடர்பான பல்வேறு புகார்களைத் தொடர்ந்து, பொலிஸ் கணினி குற்றப் புலனாய்வுப் பிரிவினர் தீவிர விசாரணைகளை முன்னெடுத்து வந்தனர்.

விசாரணைகளின் அடிப்படையில், சட்டவிரோதமாக அவதூறு பரப்பிய குற்றத்திற்காக வைத்தியர் அர்ச்சுனா உட்பட 6 நபர்கள் மீது நீதிமன்றத்தில் வழக்குத் தாக்கல் செய்யப்பட்டுள்ளது.

சமூக வலைத்தளங்கள் வாயிலாக இன அல்லது மத வெறுப்புணர்வைத் தூண்டும் வகையில் செயற்படுபவர்கள் மீது தராதரமின்றி கடுமையான சட்ட நடவடிக்கை எடுக்கப்படும் என பொலிஸ் தலைமையகம் எச்சரித்துள்ளது.