ரக்னா நிறுவனத்தில் பாதுகாப்பு பிரதி அமைச்சர் ஆய்வு: சேவைகளை மேம்படுத்த உத்தரவு!

அரசுக்குச் சொந்தமான ரக்னா அரக்ஷக லங்கா நிறுவனத்தின் தற்போதைய செயல்பாடுகள் மற்றும் நிர்வாக நடவடிக்கைகளை நேரில் பார்வையிட்டு மதிப்பாய்வு செய்யும் பொருட்டு, பாதுகாப்பு பிரதி அமைச்சர் மேஜர் ஜெனரல் அருண ஜயசேகர (ஓய்வு) சிறப்பு கண்காணிப்பு விஜயம் ஒன்றை மேற்கொண்டுள்ளார்.

இவ்விஜயத்தின் போது, நிறுவனத்தின் பல்வேறு பிரிவுகளுக்கும் நேரில் சென்ற பிரதி அமைச்சர், அங்குள்ள பணிச் சூழல் மற்றும் ஊழியர்களின் செயல்பாடுகள் குறித்து விரிவாகக் கேட்டறிந்தார்.  

அதனைத் தொடர்ந்து, நிறுவனத்தின் உயர் அதிகாரிகளுடன் நடைபெற்ற ஆலோசனைக் கூட்டத்தில் கலந்து கொண்டு பேசிய அவர், பாதுகாப்புச் சேவைகளை மேலும் பலப்படுத்துவது குறித்தும், முன்னாள் முப்படை வீரர்களின் நலன் மற்றும் வேலைவாய்ப்பை உறுதிசெய்து நிறுவனத்தின் சேவைகளை திறம்பட மேம்படுத்துவது குறித்தும் முக்கிய ஆலோசனைகளையும் வழிகாட்டுதல்களையும் வழங்கினார்.