ஹுங்கம மூவர் கொலை: பிரதான சந்தேகநபர் ‘அச்சினி’ டுபாயில் கைது!

சர்வதேச பொலிஸின் (Interpol) சிவப்பு அறிவித்தலுக்கு (Red Notice) அமைவாக டுபாயில் கைது செய்யப்பட்ட 34 வயதான அனோஷா லக்மாலி, குற்றப்புலனாய்வுத் திணைக்கள (CID) அதிகாரிகளினால் பலத்த பாதுகாப்புடன் இலங்கைக்கு அழைத்து வரப்பட்டுள்ளார்.

விசாரணைகளின்படி, பாதாள உலகக் குழுவைச் சேர்ந்த ‘பெக்ஹோ சமன்’ (Backhoe Saman) என்பவரின் வழிகாட்டலுக்கு அமைய, கஜ்ஜா மற்றும் அவரது இரு பிள்ளைகளையும் உணவகம் ஒன்றிற்கு உணவருந்த வருமாறு அழைத்தவர் இந்த சந்தேகநபர் என்பதும், அங்கு வந்தபோதே அவர்கள் மூவரும் சுட்டுக் கொல்லப்பட்டனர் என்பதும் தெரியவந்துள்ளது.

விமான நிலையத்தில் வைத்து ஆரம்பக் கட்ட விசாரணைகளை மேற்கொண்ட குற்றப்புலனாய்வுத் திணைக்கள அதிகாரிகள், மேலதிக விசாரணைகளுக்காக அவரை கொழும்பிலுள்ள குற்றப்புலனாய்வுத் திணைக்கள தலைமையகத்திற்கு அழைத்துச் சென்று விசாரணை நடத்தி வருகின்றனர்.