நல்லூரடியில் அமைக்கப்பட்டிருந்த திலீபனின் உருவச்சிலை பொலிஸாரால் அகற்றப்பட்டது: செல்வராசா கஜேந்திரன் குற்றச்சாட்டு!

தியாகி திலீபனின் இறுதிநாள் நினைவேந்தல் நிகழ்வுகள் நேற்றைய தினம் உணர்வுபூர்வமாக இடம்பெற்று முடிந்த நிலையில், இன்று காலை இந்த அதிரடிச் சம்பவம் நிகழ்ந்துள்ளதாக அவர் குறிப்பிட்டுள்ளார்.

இது குறித்து மேலும் கருத்து தெரிவித்த செல்வராசா கஜேந்திரன், "எந்தவிதமான முன்னறிவித்தலும் இன்றி, 15க்கும் மேற்பட்ட பொலிஸார் வாகனங்களில் வந்து இறங்கினர். அவர்கள் சப்பாத்து கால்களுடன் நினைவேந்தல் பகுதிக்குள் அத்துமீறிச் சென்று, பலவந்தமான முறையில் அங்கு வைக்கப்பட்டிருந்த திலீபனின் சிலையை அகற்றிச் சென்றுள்ளனர்" என வேதனையுடன் குற்றஞ்சாட்டியுள்ளார்.

இச்சம்பவம் அப்பகுதியில் பெரும் பரபரப்பையும் மக்கள் மத்தியில் அதிர்ச்சியையும் ஏற்படுத்தியுள்ளது.