எவன்கார்ட் விவகாரம்: இலஞ்ச ஊழல் ஆணைக்குழு மற்றும் சி.ஐ.டி.யிடம் முறைப்பாடு செய்ய கோப் குழு தீர்மானம்!

ரக்னா லங்கா நிறுவனத்தின் அதிகாரிகள் அண்மையில் கோப் குழுவின் முன்னிலையில் அழைக்கப்பட்டிருந்த போதே இத்தீர்மானம் எட்டப்பட்டுள்ளது.

குறித்த கடல்சார் பாதுகாப்பு நடவடிக்கைகளில் எவன்கார்ட் தனியார் நிறுவனத்தை இணைத்துக் கொண்டமையினால் அரசாங்கத்திற்குப் பெருந்தொகை பணம் இழக்கப்பட்டுள்ளதாகக் கோப் குழுவின் தலைவர் வைத்தியர் நிஷாந்த சமரவீர சுட்டிக்காட்டியுள்ளார். அத்துடன், எந்தத் தரப்பின் தேவையின் பேரில் இந்த ஒப்பந்தம் மேற்கொள்ளப்பட்டது எனப் பாராளுமன்ற உறுப்பினர் தயாசிறி ஜயசேகரவும் இதன்போது தீவிர கேள்விகளை எழுப்பியிருந்தார்.

இது தொடர்பில் மேலும் கருத்து தெரிவித்த கோப் குழுவின் தலைவர், எவன்கார்ட் நிறுவனத்துடனான அனைத்து ஒப்பந்தங்களையும் உடனடியாக ரத்து செய்வதற்கும், இதன் மூலம் அரசாங்கத்திற்கு ஏற்பட்ட நஷ்டத்தை மீளப் பெற்றுக்கொள்வதற்கும் நடவடிக்கைகள் எடுக்கப்படும் எனக் குறிப்பிட்டார். மேலும், இந்த சட்டவிரோத நடவடிக்கைக்கு ஒத்துழைப்பு வழங்கிய நபர்களுக்கு எதிராகச் சட்டத்தை கடுமையாக நடைமுறைப்படுத்தத் தேவையான அனைத்து நடவடிக்கைகளும் முன்னெடுக்கப்படும் என்றும் அவர் உறுதியளித்துள்ளார்.