ஜப்பானில் அதிகாலையில் திடீர் நிலநடுக்கம்!

இந்த நிலநடுக்கம் ரிக்டர் அளவுகோலில் 6.0 ஆகப் பதிவாகியுள்ளதாக அமெரிக்க புவியியல் ஆய்வு மையம் தெரிவித்துள்ளது. 

மேலும், இந்நிலநடுக்கம் பூமியின் கடற்பரப்புக்கு அடியில் 352 கிலோமீட்டர் ஆழத்தில் மையம் கொண்டிருந்ததாக நில அதிர்வு மையங்கள் உறுதிப்படுத்தியுள்ளன.  

நிலநடுக்கத்தின் ஆழம் அதிகமாக இருந்ததன் காரணமாக, சுனாமி எச்சரிக்கை எதுவும் விடுக்கப்படவில்லை என ஜப்பான் வானிலை ஆய்வு மையம் தெரிவித்துள்ளது.

அத்துடன், இந்த நிலநடுக்கத்தால் பெரிய அளவிலான பொருள் சேதங்களோ அல்லது உயிர்ச்சேதங்களோ ஏற்பட்டதாக இதுவரை தகவல்கள் எதும் வெளியாகவில்லை. அதிகாரிகள் தொடர்ந்து நிலவரங்களை தீவிரமாகக் கண்காணித்து வருகின்றனர்.