இங்கிலாந்து: பிறந்த சில நாட்களில் பெண் குழந்தை உயிரிழந்த சம்பவம் - 4 பேர் மீது கொலைக் வழக்கு!

இங்கிலாந்தின் Sheffield நகரில் பிறந்து சில நாட்களேயான பெண் குழந்தை உயிரிழந்த சம்பவம் தொடர்பாக நான்கு பேர் மீது கொலைக் குற்றச்சாட்டு பதிவு செய்யப்பட்டுள்ளது.

Wincobank பகுதியில் குழந்தையின் பாதுகாப்பு தொடர்பாக எழுந்த கவலையைத் தொடர்ந்து, கடந்த ஞாயிற்றுக்கிழமை பொலிஸாருக்கு தகவல் வழங்கப்பட்டுள்ளது. இதையடுத்து சம்பவ இடத்திற்கு விரைந்த பொலிஸார், குழந்தையை மீட்டு மருத்துவ உதவிகளை வழங்குவதற்கான நடவடிக்கைகளை மேற்கொண்டனர்.

எனினும், குழந்தை உயிரிழந்த நிலையில் காணப்பட்டதாக தெரிவிக்கப்படுகிறது. பின்னர் மேற்கொள்ளப்பட்ட பிரேதப் பரிசோதனையில், குழந்தையின் மரணம் கத்திக்குத்துக் காயங்களால் ஏற்பட்டது என்பது தெரியவந்துள்ளது.