பாகிஸ்தானுக்கு எதிரான 2ஆவது டெஸ்டையும் தொடரையும் வென்றது இங்கிலாந்து !

பாகிஸ்தானுக்கு எதிராக லண்டன் லோர்ட்ஸ் விளையாட்டரங்கில் நடைபெற்ற இரண்டாவது டெஸ்ட் கிரிக்கெட் போட்டியில் இங்கிலாந்து 194 ஓட்டங்கள் வித்தியாசத்தில் வெற்றிபெற்றது.

கடந்த வியாழக்கிழமை (27) ஆரம்பமான இரண்டாவது டெஸ்ட் கிரிக்கெட் போட்டி நான்காம் நாளான ஞாயிற்றுக்கிழமை (30) நிறைவடைந்தது.

இந்த வெற்றியுடன் 3 போட்டிகள் கொண்ட டெஸ்ட் தொடரில் ஒரு போட்டி மீதம் இருக்க தொடரை இப்போதைக்கு 2 - 0 என்ற ஆட்டக் கணக்கில் இங்கிலாந்து கைப்பற்றியுள்ளது.

இங்கிலாந்துடனான இந்த தோல்வியுடன் சொந்த நாட்டுக்கு வெளியே அண்மையில் விளையாடிய 11 டெஸ்ட் போட்டிகளில் பாகிஸ்தான் அடைந்த 10ஆவது தோல்வி இதுவாகும்.