"சட்டத்தின் முன் அனைவரும் சமம்" – லஞ்ச புகாரில் நயினார் நாகேந்திரன் வலியுறுத்தல்!

லஞ்சம் கொடுத்ததாகக் கூறப்படும் விவகாரத்தில் சம்பந்தப்பட்ட அமைச்சர் மற்றும் முன்னாள் அமைச்சர் மீது உடனடியாக வழக்குப் பதிவு செய்ய வேண்டும் என்று பாஜக மாநில துணைத் தலைவரும் சட்டமன்ற உறுப்பினருமான நயினார் நாகேந்திரன் வலியுறுத்தியுள்ளார்.

அரசியல் அமைப்புச் சட்டத்தின்படி பதவிப் பிரமாணம் எடுத்துக் கொண்ட மக்கள் பிரதிநிதிகளே லஞ்சம் கொடுத்திருப்பதாக எழும் குற்றச்சாட்டுகள் மிகுந்த அதிர்ச்சியளிக்கின்றன. இதில் சம்மந்தப்பட்ட அமைச்சர் மற்றும் முன்னாள் அமைச்சர் மீது லஞ்ச ஒழிப்புத் துறை உடனடியாக வழக்குப் பதிவு செய்து முறையான விசாரணை நடத்த வேண்டும்.

சட்டத்தின் முன் அனைவரும் சமம் என்பதைக் சுட்டிக்காட்டிய அவர், ஆளும் தரப்பாக இருந்தாலும் சரி அல்லது எதிர்க்கட்சியாக இருந்தாலும் சரி, தவறு செய்தவர்கள் யாராக இருந்தாலும் அவர்கள் மீது தயவுதாட்சண்யமின்றி நடவடிக்கை எடுக்க வேண்டும் எனக் குறிப்பிட்டார்.

மேலும், இந்த விவகாரத்தில் அரசு உரிய நடவடிக்கை எடுக்கத் தவறினால், பாஜக சார்பில் சட்டரீதியான போராட்டங்களும் மக்கள் மன்றத்தில் தீவிர போராட்டங்களும் முன்னெடுக்கப்படும் என்றும் எச்சரித்துள்ளார்.