பாம் எண்ணெய் இறக்குமதி கட்டுப்பாடுகளை நீக்க நிதி அமைச்சின் அதிகாரிகள் சூழ்ச்சி: நுகர்வோர் இயக்கம் பகிரங்க எச்சரிக்கை!

இது தொடர்பாக நுகர்வோர் உரிமைகளைப் பாதுகாப்பதற்கான தேசிய இயக்கம் வெளியிட்டுள்ள ஊடக அறிக்கையில் தெரிவிக்கப்பட்டுள்ளதாவது:

"நாட்டில் உள்நாட்டுத் தெங்கு மற்றும் எண்ணெய் வித்து விவசாயிகளின் நலன்களைப் பாதுகாக்கும் பொருட்டுப் பனை எண்ணெய் இறக்குமதி மீது சில கடுமையான கட்டுப்பாடுகளும் தற்காலிகத் தடைகளும் விதிக்கப்பட்டுள்ளன. இந்நிலையில், சில வர்த்தக லாபநோக்கம் கொண்ட தரப்பினரின் தூண்டுதலின் பேரில், நிதி அமைச்சின் குறிப்பிட்ட அதிகாரிகள் குழுவொன்று தவறான தகவல்களை வழங்கி ஜனாதிபதியையும் அமைச்சரவையையும் திசைதிருப்பி வருகிறது."

பாம் எண்ணெய் இறக்குமதிக்கு விதிக்கப்பட்டுள்ள கட்டுப்பாடுகள் முழுமையாகத் தளர்த்தப்பட்டால், அது இலங்கையின் உள்நாட்டுத் தென்னை விவசாயிகளின் வாழ்வாதாரத்தைப் படுகுழியில் தள்ளும் என்று அந்த இயக்கம் எச்சரித்துள்ளது. குறைந்த விலையில் இறக்குமதி செய்யப்படும் பாம் எண்ணெய் சந்தையைக் கைபற்றுவதால், உள்நாட்டில் உற்பதியாகும் தேங்காய் எண்ணெய் மற்றும் தொடர்புடைய பொருட்களின் விலைகள் கடுமையாக வீழ்ச்சியடையும் அபாயம் உள்ளது.

தேசிய பொருளாதாரத்தையும் நுகர்வோரின் நலனையும் பாதிக்கக் கூடிய இந்தச் சதி முயற்சியைக் கண்டறிந்து, இதற்கு உடந்தையாகச் செயல்படும் அதிகாரிகள் மீது ஜனாதிபதி உடனடியாகத் தகுந்த விசாரணையை முன்னெடுக்க வேண்டும் என்றும்,பாம் எண்ணெய் இறக்குடிக் கட்டுப்பாடுகளில் எந்தவொரு தளர்வையும் அனுமதிக்கக் கூடாது என்றும் நுகர்வோர் உரிமைகளைப் பாதுகாப்பதற்கான தேசிய இயக்கம் கோரிக்கை விடுத்துள்ளது.