எதிர்பாராத வேலையிழப்பு ஏற்பட்டால் 3 மாதங்களில் நிதிச் சிக்கல்: சுவிஸ் மக்களில் 50% பேர் தவிப்பு!

சூரிச் பயன்பாட்டு அறிவியல் பல்கலைக்கழகம் (ZHAW) வெளியிட்டுள்ள புதிய ஆய்வின்படி, சுவிட்சர்லாந்து மக்களில் சுமாராக 83 சதவீதத்தினர் அவ்வப்போது பணத்தைச் சேமித்து வந்தாலும், நீண்டகால வருமானம் தடைபடும் பட்சத்தில் அதில் பாதியளவினர் கடுமையான நிதிச் சிக்கலைச் சந்திப்பதாகக் கூறப்படுகிறது.

குறிப்பாக, தங்களுக்கு திடீரென வருமானம் நின்றுபோனால், தங்களது தற்போதைய வாழ்க்கைச் தரத்தை மூன்று மாதங்களுக்கு மேல் தக்கவைத்துக் கொள்ள முடியாத நிலையில் சுமார் 45 சதவீத மக்கள் (அதாவது ஏறக்குறைய இரண்டில் ஒருவர்) உள்ளனர்.

இதில் சுவாரஸ்யமான மற்றும் அதிர்ச்சியளிக்கும் அம்சம் என்னவென்றால், 15 சதவீத மக்களிடம் எந்தவிதமான அவசர சேமிப்புப் பாதுகாப்புமே இல்லை. மேலும் 30 சதவீத மக்களால் ஒன்று முதல் மூன்று மாதங்கள் மட்டுமே சமாளிக்க முடியும்.