சானியாவிற்குப் பிறகு முதல் இந்திய வீராங்கனை: வரலாற்று சாதனை படைத்த மாயா!

நேற்று நடைபெற்ற காலிறுதிக்கு முந்தைய சுற்றில் (Round of 16) போலந்து வீராங்கனை வெரோனிகா ஃபால்கோவ்ஸ்காவை 6-4, 6-3 என்ற நேர் செட்களில் வீழ்த்தி அபார வெற்றி பெற்றார்.

கடந்த 2012-ஆம் ஆண்டிற்குப் பிறகு, WTA டென்னிஸ் தொடரின் ஒற்றையர் பிரிவில் காலிறுதிச் சுற்றுக்கு தகுதிபெற்ற முதல் இந்திய வீராங்கனை என்ற வரலாற்றுப் பெருமையை மாயா இதன் மூலம் பெற்றுள்ளார். 2012-ல் இந்திய டென்னிஸ் புயல் சானியா மிர்சா இச்சாதனையைப் படைத்திருந்தார்.

17 வயதே ஆன கோவையின் இளம் வீராங்கனை மாயாவின் இந்த வெற்றி, இந்திய டென்னிஸ் ரசிகர்களைப் பெரும் மகிழ்ச்சியில் ஆழ்த்தியுள்ளது.