போக்குவரத்தை சீரமைக்க கட்டப்பட்டு நெரிசலை அதிகரித்த மேம்பாலம்: அகமதாபாத்தில் பெரும் சர்ச்சை!

அகமதாபாத்தில் உள்ள மக்கார்பா (Makarba) ரயில்வே மேம்பாலம், பொதுமக்களின் வாகன நெரிசலைக் குறைக்கும் நோக்கில் சமீபத்தில் திறக்கப்பட்டது. ஆனால், இப்பாலம் ஒரு முக்கிய சந்திப்புக்கு மிக அருகில் ஆபத்தான முறையில் முடிவடைவதால் (faulty design), வாகனங்கள் எளிதாகச் சென்று சேர முடியாத நிலை ஏற்பட்டுள்ளது.  

இதனால் பாலத்திலிருந்து இறங்கும் வாகனங்கள் மற்றும் சாலைகளில் செல்லும் வாகனங்கள் ஒன்றோடு ஒன்று மோதுவது போன்ற சூழல் ஏற்பட்டு, கடுமையான போக்குவரத்து நெரிசல் உருவாகியுள்ளது. திட்டமிடல் குறைபாடு காரணமாக மக்கள் அவதிக்குள்ளாகி வருவது சமூக வலைதளங்களிலும் விமரிசனங்களை ஈர்த்துள்ளது.  

இதற்கிடையே, பாலத்தின் பிழையான வடிவமைப்புக்குக் காரணமான ஆலோசனைக் நிறுவனத்திற்கு அகமதாபாத் மாநகராட்சி (AMC) தரப்பிலிருந்து தீவிர விளக்கம் கோரி நோட்டீஸ் அனுப்பப்பட்டுள்ளது. 

முறையான திட்டமிடல் இல்லாமல் கோடிக்கணக்கில் செலவு செய்து கட்டப்படும் இத்தகைய கட்டமைப்புகள் பொதுமக்களுக்கு நிம்மதிக்குப் பதிலாக சிரமத்தையே தருவதாகக் கூறி பொதுமக்கள் மற்றும் வாகன ஓட்டிகள் கண்டனம் தெரிவித்து வருகின்றனர்.