மாணவர்கள் முதல் தொழிற்சங்கங்கள் வரை: பிரான்சில் தீவிரமடையும் தொடர் போராட்டங்கள்!

பாடசாலைகளுக்கு கூடுதல் வளங்கள் மற்றும் காவல்துறையின் அடக்குமுறை குறைப்பு ஆகியவற்றை வலியுறுத்தி, பாரிஸில் உள்ள ‘பிளேஸ் டி லா ரிபப்ளிக்’ (Place de la République) பகுதியிலிருந்து ஏராளமான பதின்ம வயதினர் செவ்வாயன்று பேரணியாகச் சென்றனர்.

லியோனில் காவல்துறையினர் ஆர்ப்பாட்டக்காரர்களுடன் மோதினர்; பாரிஸ் மற்றும் மார்சேயில் கண்ணீர்ப் புகைக் குண்டுகளையும், ரென்னெஸில் நீர்த்தாரை பீரங்கிகளையும் பயன்படுத்தினர்..

செவ்வாய்க்கிழமையன்று 891 உயர் நிலைப் பாடசாலைகளில் செயல்பாடுகள் பாதிக்கப்பட்டதாகவும், அன்றைய தினம் 2,50,000-க்கும் மேற்பட்ட போராட்டக்காரர்கள் வீதிகளில் இறங்கிப் போராடியதாகவும் அரசு தெரிவித்தது.