ஹெலிகாப்டர் என்ஜின்களை உள்நாட்டிலேயே தயாரிக்க HAL மற்றும் பிரான்ஸின் Safran நிறுவனங்கள் வரலாற்று ஒப்பந்தம்.

இந்தியப் பாதுகாப்புத் துறையில் மற்றொரு மைல்கல்! 'ஆத்மநிர்பார் பாரத்' (சுயசார்பு இந்தியா) திட்டத்தின் கீழ், இந்திய ராணுவத்தின் ஹெலிகாப்டர்களுக்குத் தேவையான சக்திவாய்ந்த 'அரவல்லி' என்ஜின்களைத் தயாரிப்பதற்காக, இந்தியாவின் HAL மற்றும் பிரான்ஸின் Safran நிறுவனங்கள் இடையேயான ஒப்பந்தம் இறுதியாகக் கையெழுத்தாகியுள்ளது.

இந்திய ராணுவத்தின் வான்வழிப் பலத்தைப் பலமடங்கு உயர்த்தும் வகையில் "அரவல்லி" என்ற புதிய தலைமுறை ஹெலிகாப்டர் என்ஜினை இணைந்து வடிவமைக்கவும், தயாரிக்கவும் HAL மற்றும் பிரான்ஸின் Safran நிறுவனங்களின் கூட்டு கூட்டுப்பங்களிப்பான 'SAFHAL Helicopter Engines' அதிகாரப்பூர்வ ஒப்பந்தத்தில் கையெழுத்திட்டுள்ளன.

3,500 முதல் 4,000 குதிரைத்திறன் கொண்ட இந்த அதிநவீன என்ஜின், இந்திய ராணுவத்திற்காக உருவாக்கப்பட்டு வரும் 13 டன் எடைகொண்ட 'இந்திய பல்நோக்கு ஹெலிகாப்டர்' (IMRH) மற்றும் கடற்படைக்கான (DBMRH) ஹெலிகாப்டர்களில் பொருத்தப்படவுள்ளது.

வெளிநாட்டு என்ஜின்களைச் சார்ந்திருப்பதை முற்றிலும் குறைத்து, உள்நாட்டிலேயே விமான மற்றும் ஹெலிகாப்டர் என்ஜின் தொழில்நுட்பத்தை மேம்படுத்துவதே இந்த ஒப்பந்தத்தின் முக்கிய நோக்கமாகும். இந்த ஒப்பந்தத்தின் மூலம் இந்திய பாதுகாப்புத் துறை மற்றும் வான்வழித் தொழில் துறை ஒரு புதிய உச்சத்தை எட்டும் என்று எதிர்பார்க்கப்படுகிறது.