மதுரையில் வரலாற்று சிறப்புமிக்க 'தாய்மாமன் தங்க மோதிரம்' திட்டம்: முதலமைச்சர் விஜய் இன்று தொடங்கி வைக்கிறார்!

அரசு மருத்துவமனைகளில் பிரசவத்தை ஊக்குவிக்கவும், ஏழை எளிய குடும்பங்களின் குழந்தைப் பிறப்பைக் கொண்டாடும் வகையிலும் இத்திட்டம் செயல்படுத்தப்படுகிறது.

திட்டத்தின் முக்கிய அம்சங்கள்:

அரசு மருத்துவமனைகளில் பிறக்கும் குழந்தைகளுக்கு அரசு சார்பில் 22 கேரட் தூய தங்கம் கொண்ட 1 கிராம் எடையுள்ள தங்க மோதிரம் இலவசமாக வழங்கப்படும்.

பச்சிளங் குழந்தைகளின் மென்மையான சருமத்தைக் காயப்படுத்தாத வகையில், வட்டமான விளிம்புகளுடன் சிறப்புத் தொழில்நுட்பத்தில் தயாரித்துத் தாயாரிடம் ஒப்படைக்கப்படும்.

தமிழ்நாட்டை நிரந்தர வசிப்பிடமாகக் கொண்டு, தாய்-சேய் நல அடையாள எண் (RCH ID) பெற்ற தாய்மார்கள் அனைவரும் இத்திட்டத்திற்குத் தகுதியானவர்கள் ஆவர்.

இன்றைய தொடக்க விழாவைத் தொடர்ந்து, முதலமைச்சர் விஜய் மதுரை பகுதியில் நடைபெற்று வரும் பல்வேறு வளர்ச்சித் திட்டப் பணிகளையும் நேரில் ஆய்வு செய்யவுள்ளார். முதலமைச்சரின் வருகையை முன்னிட்டு மதுரையில் பாதுகாப்பு ஏற்பாடுகள் பலப்படுத்தப்பட்டுள்ளன.