"ஐந்து நிமிடத்தில் நிரூபிப்பேன்": பிரதமர் மோடிக்கு ராகுல் காந்தி திறந்த விவாதம் நடத்தச் சவால்!

எதிர்க்கட்சிகள் தேசவிரோதச் செயல்களில் ஈடுபடுவதாகப் பிரதமர் நரேந்திர மோடி குற்றம்சாட்டியிருந்த நிலையில், இதற்குப் பதிலடி கொடுக்கும் விதமாக காங்கிரஸ் மூத்த தலைவரும் மக்களவை எதிர்க்கட்சித் தலைவருமான ராகுல் காந்தி பிரதமர் மோடிக்கு வெளிப்படையான சவால் விடுத்துள்ளார்.

"யார் தேசவிரோதி, யாருக்கு வெளிநாட்டு சக்திகளுடன் தொடர்பு உள்ளது என்பது குறித்து எந்த மேடையில் வேண்டுமானாலும் என்னுடன் திறந்த விவாதத்திற்கு வரத் தயாரா?" என்று கேள்வி எழுப்பியுள்ளார். மேலும், பிரதமர் மோடியை நோக்கி கடுமையான விமர்சனங்களை முன்வைத்த அவர், "யார் உண்மையான தேசவிரோதி என்பதை வெறும் ஐந்து நிமிட விவாதத்தில் என்னால் நிரூபிக்க முடியும்" எனத் தெரிவித்துள்ளார். இந்திய அரசியலில் இருபெரும் தலைவர்களுக்கும் இடையே ஏற்பட்டுள்ள இந்த நேரடி மோதல் பெரும் பரபரப்பை ஏற்படுத்தியுள்ளது.