வெளிநாட்டவர் மற்றும் அகதிகளின் ஒருங்கிணைப்பு நிதி அதிகரிப்பு: சுவிஸ் கூட்டாட்சி அரசாங்கம் அதிரடி அறிவிப்பு!

சுவிட்சர்லாந்திற்கு வரும் வெளிநாட்டவர்கள் மற்றும் அகதிகளைச் சமூகத்தோடும் வேலைவாய்ப்போடும் ஒருங்கிணைக்கும் திட்டங்களுக்காக ஒதுக்கப்பட்ட நிதி ஒதுக்கீட்டை அதிகரிப்பதாகச் சுவிஸ் கூட்டாட்சி அரசாங்கம் அறிவித்துள்ளது.

சுவிட்சர்லாந்தில் குடியேறும் வெளிநாட்டவர்களின் ஒருங்கிணைப்பு நடவடிக்கைகளுக்காக நிதி ஒதுக்கீட்டை சுவிஸ் மத்திய அரசு உயர்த்தியுள்ளது. இதன்படி, 2028 முதல் 2032 ஆம் ஆண்டு வரையிலான காலப்பகுதிக்கு மொத்தம் 33 கோடியே 45 லட்சம் சுவிஸ் பிராங்க் (CHF 334.5 Million) நிதி ஒதுக்கப்பட்டுள்ளது.

  இது ஆண்டிற்கு சராசரியாக 6 கோடியே 69 லட்சம் சுவிஸ் பிராங்க் தொகையாகும். முந்தைய நிதி ஒதுக்கீடுகளுடன் ஒப்பிடுகையில் ஆண்டிற்கு சுமார் 54 லட்சம் பிராங்க் கூடுதல் நிதி ஒதுக்கீடு செய்யப்பட்டுள்ளது குறிப்பிடத்தக்கது. 

 குறிப்பாக, குடும்ப மறுஇணைவு (Family Reunification) மூலம் சுவிட்சர்லாந்து வந்துள்ள வெளிநாட்டுப் பெண்களின் வேலைவாய்ப்புப் பங்கேற்பை அதிகரிக்கவும், மொழிப் பயிற்சி மற்றும் தொழிற்பயிற்சிகளை விரைவுபடுத்தவும் இந்த கூடுதல் நிதி பயன்படுத்தப்படும் என அரசாங்கம் தெரிவித்துள்ளது.