3 மாவட்டங்களில் நிலச்சரிவு அபாயம் - தேசிய கட்டிட ஆராய்ச்சி நிறுவனம் அறிவிப்பு!

குறிப்பிட்ட இந்த மூன்று மாவட்டங்களிலும் உள்ள மலைப்பாங்கான பகுதிகள், சரிவு நிலங்கள் மற்றும் முந்தைய காலங்களில் நிலச்சரிவு ஏற்பட்ட ஆபத்தான பகுதிகளில் வாழும் மக்கள் மிகுந்த அவதானத்துடன் இருக்குமாறு கேட்டுக்கொள்ளப்படுகிறார்கள்.

கடந்த 24 மணித்தியாலங்களில் மழைவீழ்ச்சி 75 மில்லிமீட்டரைக் கடந்துள்ள நிலையிலும், மழை தொடர்ந்து நீடித்து வருவதாலும் இந்த நிலச்சரிவு மற்றும் பாறை சரிவு எச்சரிக்கை விடுக்கப்பட்டுள்ளது.

நிலத்தில் திடீர் வெடிப்புகள் ஏற்படுதல், மரங்கள் மற்றும் மின்கம்பங்கள் சாய்தல், நீரூற்றுகள் திடீரெனத் தோன்றுதல் அல்லது கலங்கலாக நீர் வருதல் போன்ற அறிகுறிகள் தென்பட்டால் உடனடியாகப் பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளது.

இரவு நேரங்களில் பெய்யும் கனமழையின் போது மலைப்பாங்கான வீதிகளைப் பயன்படுத்தும் வாகன ஓட்டிகள் கவனமாகப் பயணிக்க வேண்டும்.

நிலச்சரிவு அபாயம் குறித்துத் தொடர்ந்து கண்காணித்து வருவதாகவும், அவசர காலங்களில் பிரதேச செயலகங்கள் மற்றும் அனர்த்த முகாமைத்துவ நிலையத்தின் (DMC) வழிகாட்டல்களைப் பின்பற்றுமாறும் பொதுமக்கள் கேட்டுக்கொள்ளப்பட்டுள்ளனர்.

வானிலை மீண்டும் சீரடையும் வரை பொதுமக்கள் அவதானத்துடன் செயல்படுமாறு தேசிய கட்டிட ஆராய்ச்சி நிறுவனம் வலியுறுத்தியுள்ளது.