அமெரிக்காவில் வர்த்தகத்தை விரிவாக்கும் லோன்ஸா: மெர்க் நிறுவனத்தின் 5 தயாரிப்பு மையங்களைக் கைப்பற்ற ஒப்பந்தம்!

இந்த ஒப்பந்தத்தின் மூலம் அமெரிக்காவில் லோன்ஸாவின் உற்பத்தி மையங்களின் எண்ணிக்கை 4-லிருந்து 9 ஆக அதிகரிக்கும். மேலும், சுமார் 1,100 ஊழியர்கள் புதிதாக இந்நிறுவனத்தில் இணைவதன் மூலம், அமெரிக்காவில் லோன்ஸாவின் மொத்தப் பணியாளர்களின் எண்ணிக்கை 6,000-க்கும் அதிகமாக உயரும்.  

அமெரிக்காவில் உள்நாட்டு மருந்து உற்பத்தியை அதிகரிக்கும் அழுத்தங்கள் நிலவிவரும் சூழலில், லோன்ஸா நிறுவனத்தின் இந்த நடவடிக்கை சர்வதேச மருந்துத் துறையில் அதன் சந்தைப் பங்கையும் விநியோகத் திறனையும் பலமடங்கு உயர்த்தும் என எதிர்பார்க்கப்படுகிறது.