அமெரிக்காவில் இன்று இடைக்காலத் தேர்தல்: டிரம்பின் ஆட்சிக்கு பெரும் சவாலா?

அதிபர் டிரம்பின் இரண்டாவது ஆட்சிக் காலத்தில் நடைபெறும் இந்த மிக முக்கிய இடைக்காலத் தேர்தலில், பிரதிநிதிகள் சபையின் (House of Representatives) அனைத்து 435 தொகுதிகளுக்கும், மேலவையான செனட் சபையின் 35 இடங்களுக்கும் மற்றும் 36 மாநிலங்களின் ஆளுநர் பதவிகளுக்கும் வாக்குப்பதிவு நடைபெறுகிறது.

தற்போது பிரதிநிதிகள் சபை மற்றும் செனட் சபை ஆகிய இரண்டிலும் அதிபர் டிரம்பின் குடியரசுக் கட்சி (Republicans) பெரும்பான்மையைக் கொண்டுள்ளது. எனினும், இந்த இடைக்காலத் தேர்தல் முடிவுகள் அதிபர் டிரம்பின் எஞ்சிய ஆட்சிக் காலத்தின் அதிகாரப் பலத்தை தீர்மானிக்கும் முதன்மை காரணியாகப் பார்க்கப்படுகிறது.

எதிர்க்கட்சியான ஜனநாயகக் கட்சி (Democrats) பிரதிநிதிகள் சபையைக் கைப்பற்றக் கூடும் என கருத்துக் கணிப்புகள் தெரிவிக்கும் நிலையில், காங்கிரஸின் பெரும்பான்மையை இழப்பது அதிபர் டிரம்பின் கொள்கை முடிவுகள் மற்றும் புதிய சட்டங்களை நிறைவேற்றுவதில் பெரும் பின்னடைவை ஏற்படுத்தும் எனக் கூறப்படுகிறது.

அமெரிக்கா முழுவதும் மில்லியன் கணக்கான மக்கள் வாக்களித்து வரும் நிலையில், தேர்தல் முடிவுகள் நாளை முதல் வெளியாகத் தொடங்கும் என எதிர்பார்க்கப்படுகிறது.