தலைமைத் தேர்தல் ஆணையருக்கு எதிரான போராட்டம்: உச்ச நீதிமன்றம் கேள்வி

டெல்லியில் தலைமைத் தேர்தல் ஆணையருக்கு எதிராக பல்வேறு அமைப்புகளால் தொடர் போராட்டங்கள் மற்றும் பேரணிகள் நடத்தப்பட்டு வருகின்றன. இதனால் பண்டிகைக் காலத்தில் டெல்லி நகரின் முக்கிய வணிகப் பகுதிகளில் கடைகள் மூடப்பட்டு, சிறு வணிகர்கள் மற்றும் வீதி வியாபாரிகளின் வாழ்வாதாரம் கடுமையாகப் பாதிக்கப்பட்டுள்ளதாகக் கூறி வணிகர்கள் சங்கம் சார்பில் உச்ச நீதிமன்றத்தில் மனுத் தாக்கல் செய்யப்பட்டது.

தலைமை நீதிபதி சூர்யா காந்த் தலைமையிலான அமர்வு முன்பாக இந்த மனு இன்று விசாரணைக்கு எடுத்துக்கொள்ளப்பட்டது.

அப்போது கருத்துத் தெரிவித்த நீதிபதிகள், ஜனநாயக நாட்டில் போராட்டம் நடத்துவதற்கு அனைவருக்கும் உரிமை உண்டு என்ற போதிலும், குறிப்பிட்ட ஒரு போராட்டக் களத்தை காலவரையறையின்றி அடைத்து வைத்திருப்பதை ஏற்றுக்கொள்ள முடியாது எனச் சுட்டிக்காட்டினர்.

அத்துடன், போராட்டங்களால் வணிகர்களின் வாழ்வாதாரம் பாதிக்கப்படுவதைக் சுட்டிக்காட்டிய நீதிமன்றம், இது தொடர்பில் அறிக்கை தாக்கல் செய்யுமாறு மத்திய அரசு மற்றும் டெல்லி பொலிஸாருக்கு உத்தரவிட்டு, போராட்டத்தை ஏற்பாடு செய்த அமைப்புகளையும் இவ்வழக்கில் பிரதிவாதிகளாகச் சேர்க்குமாறு மனுதாரர்களுக்கு அறிவுறுத்தியுள்ளது.