'அரசன்' உடன் களமிறங்கும் 'மூக்குத்தி அம்மன் 2': தீபாவளி ரேஸில் முந்தப்போவது யாரு?

வெற்றிமாறனின் 'அரசன்' vs நயன்தாராவின் 'மூக்குத்தி அம்மன் 2'

இயக்குநர் வெற்றிமாறன் இயக்கத்தில் விஜய் சேதுபதி மற்றும் சிலம்பரசன் முதல்முறையாக இணைந்து நடித்துள்ள 'அரசன்' திரைப்படம் தீபாவளி விருந்தாகத் திரைக்கு வரத் தயாராகி வருகிறது. தீவிரமான கதைக்களத்துடன் உருவாகியுள்ள இப்படத்தின் மீது ரசிகர்களிடையே பெரும் எதிர்பார்ப்பு நிலவுகிறது.

அதேவேளையில், லேடி சூப்பர்ஸ்டார் நயன்தாரா முதன்மை வேடத்தில் நடித்துள்ள 'மூக்குத்தி அம்மன் 2' திரைப்படமும் தீபாவளி வெளியீடாகக் களமிறங்குகிறது. குடும்பங்கள் இணைந்து ரசிக்கும் வகையிலான ஆன்மீகக் நகைச்சுவைத் திரைப்படமாக இது உருவாக்கப்பட்டுள்ளது.

திரையரங்குகளைக் கைப்பற்றுவதில் கடும் போட்டி

இரண்டுமே முற்றிலும் வெவ்வேறான கதைக்களங்களைக் கொண்ட பெரிய பட்ஜெட் படங்கள் என்பதால், தமிழகம் முழுவதும் திரையரங்குகளைக் கைப்பற்றுவதில் தயாரிப்பாளர்களிடையே கடும் போட்டி நிலவி வருகிறது. பண்டிகைக் காலத்தில் இந்த இரு படங்களும் பாக்ஸ் ஆபீஸில் வசூல் சாதனை படைக்கும் எனத் திரைத்துறையினர் எதிர்பார்க்கின்றனர்.