"அம்மாவின் ஆசை நிறைவேறியது": ‘மீசைய முறுக்கு 2’ கதாநாயகி சைத்ரா ஜே ஆச்சார் ஓபன் டாக்!

கன்னடத் திரையுலகில் பிரபலமான நடிகையாக வலம் வரும் சைத்ரா ஜே ஆச்சார், இத்திரைப்படத்தின் மூலம் தமிழ் சினிமாவில் கதாநாயகியாக அறிமுகமாகிறார்.

இதுகுறித்து ஊடகங்களிடம் பேசிய அவர், "எனது அம்மாவுக்கு நான் தமிழ் சினிமாவில் நடிக்க வேண்டும் என்பது நீண்ட நாள் ஆசையாகவும் கனவாகவும் இருந்தது. 'மீசைய முறுக்கு' படத்தின் முதல் பாகம் மிகப்பெரிய வெற்றிபெற்ற ஒன்று. தற்போது அதன் இரண்டாம் பாகத்தின் மூலம் தமிழில் அறிமுகமாவது மிகவும் மகிழ்ச்ச அளிக்கிறது. இதன் மூலம் என் அம்மாவின் கனவு நிறைவேறியுள்ளது" எனத் தெரிவித்துள்ளார்.

ஹிப்ஹாப் தமிழா ஆதியின் இயக்கம் மற்றும் இசையில் உருவாகி வரும் இத்திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில், படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது.