பணமோசடி வழக்கில் நாமல் ராஜபக்ஷவுக்கு பிணை மறுப்பு: நீதிமன்றம் உத்தரவு!

இன்றைய வழக்கு விசாரணையின் போது, குற்றப்புலனாய்வுத் துறையினர் (CID) மற்றும் பிரதிவாதியான நாமல் ராஜபக்ஷ தரப்பு சட்டத்தரணிகளுக்கு இடையே காரசாரமான வாதப் பிரதிவாதங்கள் இடம்பெற்றன

ஏர்பஸ் ஒப்பந்த விவகாரத்தில் நிதி மோசடி மற்றும் சட்டவிரோத பணப்பரிமாற்றம் தொடர்பாகப் பல முக்கிய சாட்சியங்கள் திரட்டப்பட்டுள்ளதாக குற்றப்புலனாய்வுத் துறையினர் நீதிமன்றத்தில் தெரிவித்தனர்.

இந்த வழக்கில் சந்தேகநபருக்கு பிணை வழங்கப்பட்டால், சாட்சிகளைக் கலைக்கவோ அல்லது புலனாய்வு விசாரணைகளுக்கு முட்டுக்கட்டை பாடவோ வாய்ப்புள்ளதால், அவரை தொடர்ந்து விளக்கமறியலில் வைக்க வேண்டும் என அரசுத் தரப்பு பலமாக வாதிட்டது.

நாமல் ராஜபக்ஷ தரப்பில் ஆஜரான சிரேஷ்ட சட்டத்தரணிகள், இந்த குற்றச்சாட்டுகள் அனைத்தும் அரசியல் பழிவாங்கும் நோக்கத்துடன் சுமத்தப்பட்டவை எனத் தெரிவித்தனர்.

சந்தேகநபர் விசாரணைகளுக்கு முழுமையான ஒத்துழைப்பு வழங்கி வருவதாகவும், எந்த நிபந்தனையின் அடிப்படையிலாவது அவருக்குப் பிணை வழங்கப்பட வேண்டும் என்றும் வாதாடினர். 

அத்துடன், கோவில் நிகழ்வு ஒன்றில் பங்கேற்பதற்காகச் செல்ல வேண்டியுள்ளதால், அவருக்கு பிணை ஆணை பிறப்பிக்கப்பட வேண்டும் எனவும் கோரிக்கை விடுக்கப்பட்டது.

இருதரப்பு வாதங்களையும் விரிவாகக் கேட்டறிந்த கோட்டை நீதவான் பாசன் அமரசேன, சந்தேகநபரை மீண்டும் விளக்கமறியலில் வைக்க உத்தரவிட்டார்.

மேலும், நாமல் ராஜபக்ஷ சமர்ப்பித்துள்ள பிணை விண்ணப்பம் மீதான கட்டளையை நீதிமன்றம் செப்டம்பர் 23 அன்று அறிவிப்பதாகத் தெரிவித்தது.