2026/2027 சுரக்ஷா மாணவர் காப்புறுதித் திட்டத்தில் புதிய அனுகூலங்கள்: அமைச்சரவை ஒப்புதல்!

இதற்கமைய, செவிப்புலன் கருவிகளைப் பழுதுபார்ப்பதற்காக 75,000 ரூபாய் வரையிலும், நாட்பட்ட நோய்களுக்காக நீண்டகாலமாக மருந்துகளைப் பெற்றுக்கொள்ளும் மாணவர்களுக்கு 20,000 ரூபாய் வரையிலும் நன்மைகளை வழங்க நடவடிக்கை எடுக்கப்பட்டுள்ளது. 

அத்துடன், தோற் புற்றுநோயைக் கண்டறிதல் உட்பட விசேட நோய் பரிசோதனைகளுக்காக 20,000 ரூபாய் வரை வழங்கவும் முன்மொழியப்பட்டுள்ளது.  

மேலும், தீவிர நோய்கள் பிரிவின் கீழ் புற்றுநோய் சிகிச்சைகள், PET Scan பரிசோதனைகள் மற்றும் திடீர் விபத்துகளினால் ஏற்படும் மூட்டு மாற்று அறுவை சிகிச்சைகளுக்கான செலவுகளும் இதில் சேர்க்கப்பட்டுள்ளன. 

கல்விக் சுற்றுலாக்கள் மற்றும் விளையாட்டு விழாக்களின் போது ஏற்படும் விபத்துகளினால் மாணவர்கள் உயிரிழக்க நேரிட்டால் 100,000 ரூபாய் இழப்பீடு வழங்கவும் ஏற்பாடு செய்யப்பட்டுள்ளது.  

வரும் 2026 செப்டம்பர் 1 ஆம் திகதி முதல் நடைமுறைக்கு வரும் இத்திட்டத்தின் மூலம் அரசு, அரசு அங்கீகாரம் பெற்ற தனியார் மற்றும் விசேட உதவிப் பாடசாலை மாணவர்கள் பலனடைவர் என அறிவிக்கப்பட்டுள்ளது.