விண்வெளி வரலாற்றில் புதிய மைல்கல்: செவ்வாயின் நிலவான 'போபோஸ்' நோக்கி ஜப்பானின் MMX விண்கலம் பாய்ந்தது!

தனேகாஷிமா விண்வெளி மையத்திலிருந்து எச்-3 (H3) ரொக்கெட் மூலம் இந்த விண்கலம் ஏவப்பட்டது. செவ்வாய் கிரகத்தின் இரண்டு நிலவுகளில் ஒன்றான போபோஸைக் களப்பாய்வு செய்து, அதன் மேற்பரப்பிலிருந்து மாதிரிகளைச் சேகரித்து மீண்டும் பூமிக்குக் கொண்டுவரும் உலகின் முதல் முயற்சியாக இது அமைந்துள்ளது.  

இந்த விண்கலம் வரும் 2027 ஆம் ஆண்டு செவ்வாயின் சுற்றுவட்டப்பாதையை சென்றடையும் என எதிர்பார்க்கப்படுவதுடன், நிலவில் ஆய்வுகளை முடித்துக் கொண்டு சேகரிக்கப்பட்ட சாம்பிள்களுடன் 2031 ஆம் ஆண்டு பூமிக்குத் திரும்பவுள்ளது.

சூரிய குடும்பம் மற்றும் செவ்வாய் கிரகத்தின் தோற்றம் பற்றிய பல அரிய ரகசியங்களை வெளிக்கொணர இந்த வரலாற்றுப் பயணம் உதவும் என விண்வெளி விஞ்ஞானிகள் நம்பிக்கை தெரிவித்துள்ளனர்.