இலங்கையில் பொது நிகழ்வுகளுக்கு புதிய இசை உரிம விதிமுறைகள்!

இதன்படி, ஹோட்டல்கள், மண்டபங்கள் மற்றும் ஏனைய வணிக நிறுவனங்களில் நடைபெறும் நிகழ்ச்சிகளில் குறிப்பிட்ட சில இசை வகைகளைப் பயன்படுத்துவதற்கு முன்கூட்டியே உரிமம் பெற வேண்டும் என அறிவுறுத்தப்பட்டுள்ளது.

நிகழ்ச்சியின் தன்மை (Live Music / DJ) மற்றும் பங்கேற்பாளர்களின் எண்ணிக்கையின் அடிப்படையில் இந்த உரிமக் கட்டணம் குறைந்தபட்சம் ரூ. 20,000 முதல் அதிகபட்சமாக ரூ. 1,25,000 வரை நிர்ணயிக்கப்பட்டுள்ளது.

ACPOSL அமைப்பினால் பிரதிநிதித்துவப்படுத்தப்படும் இலங்கை இசைப் படைப்புகளுக்கும் (சிங்களம் உட்பட), 'இந்தியன் பெர்ஃபார்மிங் ரைட்ஸ் சொசைட்டி' (IPRS) மூலம் பிரதிநிதித்துவப்படுத்தப்படும் தமிழ் மற்றும் ஹிந்தி இசைப் படைப்புகளுக்கும் மட்டுமே இந்த உரிமம் கட்டாயமாகும்.

ஆங்கிலம் அல்லது பிற வெளிநாட்டு இசையை மட்டுமே பிரத்தியேகமாகப் பயன்படுத்தும் நிகழ்ச்சிகளுக்கு இந்த உரிமத்தைப் பெற வேண்டிய அவசியமில்லை எனத் தெரிவிக்கப்பட்டுள்ளது.

இசைப் படைப்பாளிகள், பாடலாசிரியர்கள் மற்றும் இசையமைப்பாளர்களுக்கு உரிய ராயல்டி தொகையை முறையாகக் கொண்டு சேர்க்கும் நோக்கில் இப்புதிய நடைமுறை கொண்டுவரப்பட்டுள்ளமை குறிப்பிடத்தக்கது.