இலங்கை சுற்றுலாவில் புதிய சாதனை: புதிய விமான சேவைகள் அதிகரிப்பு!

2026 ஆம் ஆண்டில் இலங்கைக்கு வருகை தந்த சுற்றுலாப் பயணிகளின் எண்ணிக்கை 1.5 மில்லியனைக் கடந்துள்ளது.

இதில் இந்தியா தொடர்ந்து முதலிடத்தில் உள்ளது, அதைத் தொடர்ந்து ஐக்கிய இராச்சியம் மற்றும் சீனா ஆகிய நாடுகள் உள்ளிட்டவை காணப்படுகின்றன.

வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத் தெரிவித்துள்ள தகவலின்படி, இந்த ஆண்டில் இதுவரை இந்தியாவிலிருந்து 374,820 பேரும், ஐக்கிய இராச்சியத்திலிருந்து 147,089 பேரும், சீனாவிலிருந்து 98,801 பேரும் இலங்கைக்கு வருகை தந்துள்ளனர்.

சுற்றுலாப் பயணிகள் வருகையில் ஏற்பட்டுள்ள வலுவான வளர்ச்சியானது, பல விமான நிறுவனங்களை இலங்கைக்குப் புதிய சேவைகளைத் தொடங்க ஊக்குவித்துள்ளதாக இலங்கை சுற்றுலாத்துறை அமைச்சர் விஜித ஹேரத் கூறினார்.