இலங்கை பொலிஸாருக்கு புதிய சீருடை: தரம் உயர்த்தப்பட்டு விரைவில் அறிமுகம் என அமைச்சர் ஆனந்த விஜேபால அறிவிப்பு!

அத்துடன், வரும் ஆண்டில் பொலிஸ் சேவையில் கூடுதலாக 10,000 அதிகாரிகளைச் சேர்ப்பதற்கான நடவடிக்கைகளும் எடுக்கப்படும் என்று அமைச்சர் உறுதியளித்தார்.

85 ஆவது பொலிஸ் விளையாட்டுப் போட்டியில் கலந்துகொண்டபோது அமைச்சர் இக்கருத்துகளைத் தெரிவித்தார்.

கடந்த ஐந்து ஆண்டுகளாகத் தாமதப்பட்டிருந்த அனைத்துப் பதவி உயர்வுகளும், சிரேஷ்டத்துவம், செயல்திறன், திறனறித் தேர்வுகள் மற்றும் தேர்வு நடைமுறைகள் ஆகியவற்றின் அடிப்படையில் இந்த ஆண்டிற்குள் வழங்கப்படும். என தெரிவிக்கப்பட்டுள்ளது.