இரத்தம், வெட்டு குத்து இல்லாத வடசென்னை வாழ்வியல்: 'ஆல் பாஸ்' திரைப்படத்தின் நெகிழ்ச்சியான கதைக்களம்!

வடசென்னை என்றாலே அடிதடி, வெட்டு, குத்து, ரத்தம், பகை மற்றும் கொலைகள் நிறைந்த பகுதியாகவே இதுவரை தமிழ் சினிமாவில் சித்தரிக்கப்பட்டு வந்துள்ளது. ஆனால், அதற்கு முற்றிலும் மாறாக, வன்முறைகள் ஏதுமில்லாத வடசென்னை மக்களின் இயல்பான வாழ்க்கைப் போராட்டங்கள், குடும்ப உறவுகளின் பிணைப்பு, எதார்த்தமான நகைச்சுவை மற்றும் மனிதநேயத்தை மையமாகக் கொண்டு இத்திரைப்படம் உருவாக்கப்பட்டுள்ளது.

வடசென்னையை மையமாக வைத்து இக்கதை எழுதப்பட்டுள்ளதால், படத்திற்குத் தனித்துவமான உண்மைத்தன்மையைக் கூட்டும் வகையில், முழு படப்பிடிப்பையும் வடசென்னை மற்றும் அதன் சுற்றுவட்டாரப் பகுதிகளிலேயே படக்குழுவினர் நடத்தி முடித்துள்ளனர்.

மைதீன் இயக்கத்தில் உருவாகியுள்ள இப்படத்தில் துஷ்யந்த் கதாநாயகனாக நடிக்க, ஜெயப்பிரகாஷ், செந்தில்குமாரி உள்ளிட்ட பலர் முக்கியக் கதாபாத்திரங்களில் நடித்துள்ளனர். வடசென்னை குறித்து வழக்கமாகத் திரையில் கட்டமைக்கப்பட்ட பிம்பங்களை உடைத்து, ஒரு நிறைவான குடும்பக் கதையாக 'ஆல் பாஸ்' வரவிருப்பது ரசிகர்களிடையே பெரும் எதிர்பார்ப்பை ஏற்படுத்தியுள்ளது.