அலாஸ்கா இராணுவ ரேடார் தளத்தில் விமான விபத்து: 8 பேர் உயிரிழப்பு!

அலாஸ்காவின் மிகப் பெரிய நகரமான ஏங்கரேஜிலிருந்து புறப்பட்ட இந்த விமானம், அங்கிருந்து மேற்கே சுமார் 725 கிலோமீட்டர் தொலைவில் உள்ள கேப் நியூவென்ஹாம் லாங் ரேஞ்ச் ரேடார் தள விமான நிலையத்தில் தரையிறங்க முயன்றபோது விபத்துக்குள்ளானது.

தேசிய போக்குவரத்து பாதுகாப்பு வாரியத்தின் அலாஸ்கா பிராந்திய தலைவர் க்ளிண்ட் ஜோன்சன், இந்த விபத்தின்போது விமானத்தில் ஆறு பயணிகளும் இரண்டு விமானிகளும் இருந்ததாகத் தெரிவித்தார். 

இந்த விமானம் ஏங்கரேஜை தளமாகக் கொண்டு இயங்கும் 'செக்யூரிட்டி ஏவியேஷன்' (Security Aviation) என்ற சாட்டர்ட் விமான நிறுவனத்தின் "Cessna 441" ரக விமானம் எனத் தெரியவந்துள்ளது. 

இவ்விபத்து தொடர்பில் அலாஸ்கா நாடாளுமன்ற உறுப்பினர் லிசா முர்கோவ்ஸ்கி தனது இரங்கலைத் தெரிவித்துள்ளார்.