திபெத்தில் சக்திவாய்ந்த நிலநடுக்கம்: 16 பேர் பலி; பலர் படுகாயம்!

ரிக்டர் அளவுகோலில் 7.0 ஆகப் பதிவான இந்த நிலநடுக்கத்தால், அப்பகுதியில் உள்ள 300க்கும் மேற்பட்ட வீடுகள் இடிந்து தரைமட்டமாகியுள்ளன. நிலநடுக்கத்தைத் தொடர்ந்து பலமுறை நில அதிர்வுகள் ஏற்பட்டதால், பீதியடைந்த பொதுமக்கள் வீடுகளை விட்டு வெளியேறி வீதிகளில் தஞ்சம் அடைந்துள்ளனர்.

இடிபாடுகளுக்குள் பலர் சிக்கியிருக்கலாம் என அஞ்சப்படுவதால், ஆயிரத்திற்கும் மேற்பட்ட மீட்புப் படையினர் தீவிர மீட்புப் பணியில் ஈடுபட்டு வருகின்றனர். பாதிக்கப்பட்ட மக்களுக்கு அவசர நிவாரணப் பொருட்களும், தற்காலிகக் கூடாரங்களும் வழங்கப்பட்டு வருவதாக அதிகாரிகள் தெரிவித்துள்ளனர்.