இலங்கையின் பொருளாதார மறுசீரமைப்பு நடவடிக்கைகளுக்கு பாராட்டு: அமெரிக்காவின் புதிய தூதுவர் எரிக் மேயர் கருத்து!

நிதி அமைச்சில் நேற்று (21) திங்கட்கிழமை தொழிலாளர் அமைச்சரும் நிதி மற்றும் திட்டமிடல் பிரதி அமைச்சருமான கலாநிதி அனில் ஜயந்த பெர்னாண்டோவுக்கும் அமெரிக்க தூதுவருக்கும் இடையே சந்திப்பொன்று நடைபெற்றது. இச்சந்திப்பின்போதே அவர் மேற்கண்டவாறு தெரிவித்தார்.

குறித்த சந்திப்பில், தற்போதைய பொருளாதார ஸ்திரத்தன்மைக்கு அப்பால் சென்று, இலங்கையை ஒரு மேம்பட்ட வளர்ச்சிப் பாதைக்கு கொண்டு செல்வதில் வெளிநாட்டு முதலீடுகள் மற்றும் சர்வதேச வர்த்தகத்தின் முக்கியத்துவம் தொடர்பாக உரையாடப்பட்டது.