பிரம்மாண்ட காவியத்தில் ராகவா லாரன்ஸ்: ரூ.150 கோடி பட்ஜெட்டில் உருவாகும் 'மஹாவீர் கர்ணா' படத்தில் மாஸ் என்ட்ரி!

மகாபாரதக் கதையை மையமாகக் கொண்டு சுமார் ரூ.150 கோடிக்கும் அதிகமான மெகா பட்ஜெட்டில் உருவாகும் இத்திரைப்படத்தை, பிரம்மாண்ட வெற்றிப் படங்களை இயக்கிய பிரபல இயக்குநர் ஆர்.எஸ்.விமல் இயக்குகிறார்.

இந்திய இதிகாசமான மகாபாரதத்தில் கொடைக்கும் வீரத்திற்கும் பெயர் பெற்ற 'கர்ணன்' கதாபாத்திரத்தின் வாழ்க்கையை மையமாகக் கொண்டு இத்திரைப்படம் மிகப் பிரம்மாண்டமான முறையில் உருவாகி வருகிறது.

தமிழ், ஹிந்தி, தெலுங்கு, மலையாளம் மற்றும் கன்னடம் ஆகிய ஐந்து மொழிகளில் ஒரே நேரத்தில் உருவாகும் இத்திரைப்படம், சர்வதேசத் தரத்திலான வி.எஃப்.எக்ஸ் (VFX) தொழில்நுட்பத்துடன் பிரம்மாண்ட காட்சிகளுடன் தயாராகிறது.

மாறுபட்ட கதாபாத்திரங்களைத் தேர்ந்தெடுத்து நடித்து வரும் ராகவா லாரன்ஸ், இதில் ஒரு முக்கிய மற்றும் சக்திவாய்ந்த கதாபாத்திரத்தில் நடிக்கவுள்ளது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.

இத்திரைப்படத்தின் படப்பிடிப்பு மிக விரைவில் ஐதராபாத் மற்றும் வட இந்தியாவில் உள்ள பிரம்மாண்ட அரங்குகளில் தொடங்கப்பட உள்ளது. ஹாலிவுட் தொழில்நுட்பக் கலைஞர்கள் மற்றும் இந்தியாவின் முன்னணி நட்சத்திரங்கள் பலர் இப்படத்தில் இணையவுள்ளனர்.

ஏற்கனவே இப்படத்தின் ஃபர்ஸ்ட் லுக் மற்றும் அறிவிப்பு வெளியாகி உலகளவில் கவனம் ஈர்த்த நிலையில், தற்போது ராகவா லாரன்ஸின் இணைப்பு இத்திரைப்படத்தின் மீதான எதிர்பார்ப்பை பலமடங்கு உயர்த்தியுள்ளது. இத்திரைப்படம் பற்றிய அடுத்தடுத்த அறிவிப்புகள் விரைவில் அதிகாரப்பூர்வமாக வெளியாகும் என எதிர்பார்க்கப்படுகிறது.